ⵙⵙⵏ ⴼ ⵜⵓⴳⴳⵖⵔⵙⴰⵏⵜ ⴷ ⴰⵜ ⵉⵖⵔⵙⴰⵏ

[umzab]

ⴰⵜ ⵉⵖⵔⵙⴰⵏ / at iɣersan = ⴰⵜ ⵎⵥⴰⴱ / at mẓab = ⴰⵜ ⵉⵄⵓⴱⴰⵏ / at iɛuban = les mozabites.
ⵓⴳⵖⵔⵙⴰⵏ / ugɣersan = ⵓⵎⵥⴰⴱ / umẓab = ⵓⴳⵄⵓⴱⴰⵏ / ugɛuban = le mozabite.
ⵜⵓⴳⵖⵔⵙⴰⵏⵜ / tugɣersant = ⵜⵓⵎⵥⴰⴱⵜ / tumẓabt = ⵜⵓⴳⵄⵓⴱⴰⵏⵜ / tugɛubant = une mozabite, la langue mozabite.

[umzab]

ⵜⵉⵔⴰ ⵏⴻⵊ ⵡⴰⵎⴰⵏ, ⴷ ⵡⴻⴳⵣⵉ ⴰⴹⵖⴰⵖ
***********************
ⵜⵓⵎⵥⴰⴱⵜ ⵣⴻⴷⴷⵉⵖ ⴰⵎⵎⴰⵏⵞ ⵉ ⵏⴻⴱⴷⴰ ⵏⴻⵜⵜⴰⵔⵉ ⵙⵢⵙ ⴷⵢ ⵊⴰⵔ‑ⴰⵏⴻⵖ, ⴰⵡⵉⴷ ⵏⴻⵜⵜⴰⴳⴻⵣ ⴱⴰⵜⵜⴰ ⵉ ⵏⴻⵜⵜⴰⵔⵉ ⴷ ⴰⵣⵄⵉⵎ! ⴰⴷ ⵔⵊⵉⴻⵖ ⵛⴽⵓⵀ ⴷⴻⵅ ⵏⴻⵙⵙⵉⵍⵉ‑ⵜⵜ ⵓⵊⴰⵔ ⴷ ⵓⵊⴰⵔ ⵍ ⵉⵊⴻⵏⵡⴰⵏ ⵏⴰⵡⴻⴹ ⴰ'ⵏⴰⵔⵉ ⵙⵢⵙ ⵓⵍⴰ ⵉ ⵢⵎⴰⵣⵉⵖⴻⵏ ⴷ ⵎⵉⴷⴷⴻⵏ ⵏ ⵓⵎⴰⴹⴰⵍ.
ⴰⵏ ⵜⵓⵜⵍⴰⵢⵉⵏ ⵜⵉⵎⴰⵡⵉⵏ (orales) ⵉⵍⵍⴰⵏⴻⵜ ⴼ ⵡⵓⴷⴻⵎ ⵏ ⵜⵎⵓⵕⵜ, ⵜⵓⵎⵥⴰⴱⵜ ⵓⵍ ⵜⵜⴻⴼⴼⴻⵖ ⵙ ⵜⵉⵎⴰⵡⵜ‑ⵙ ⴱⴰⵜⵜⴰ ⵡ'ⴰⵙ‑ⵏⴻⵙⵙⴻⵔⵙ ⵏⴻⵛⵏⵉ ⵜⴰⵕⵡⴰ‑ⵙ ⵉⵍⵓⴳⴰⵏ ⵉⴼⵙⵓⵙⴻⵏ ⵖⴰ ⵏⵡⴰⵍⴻⵎ ⵉ ⵜⵉⵔⴰ‑ⵙ : ⵉⵍⵓⴳⴰⵏ ⵖ ⴰⵙ‑ⵏⴻⵃⵔⴻⵣ ⵉⵏⴰⴼⴼⴻⵏ‑ⵙ ⵙ ⵢⵉⴳⴳⴻⵜ ⵜⵎⴰ, ⵃⴻⵔⵣⴻⵏ‑ⵜⵜ ⴷⴻⵅ ⵙ ⵜⵎⴰ ⵜⵉⴹⵉⴹⴻⵜ ⴷⵉⵎⴰ ⵜⴻⴹⵖⵓⵔ ⵖⴻⵍ ⵡⴰⴳⴳⵯⴰⵢ ⵏ ⵉⵎⴻⵙⵍⵉⵢⴻⵏ. ⵉⵍⵓⴳⴰⵏ‑ⵓ ⵡⵉⵊⵉ ⴰⵜⴻⵏ‑ⵢⴻⵙⵙⴻⵔⵙ ⴷ ⴰⵏⴻⴱⵔⴰⵙ ⵉⴳⴳⴻⵏ ⵡⴰⵍⴰ ⴷ ⴰⵙⴻⵇⵇⴰⵎⵓ ⵉⴳⴳⴻⵏ... ⵢⵍⵓⴳⴰⵏ ⵏ ⵜⵉⵔⴰ ⵏ ⵜⵓⴳⵖⴻⵔⵙⴰⵏⵜ ⴰⴷ ⴼⴼⵖⴻⵏ ⴱⴻⵙⵙⵉ ⴱⴻⵙⵙⵉ ⵙ ⵎⵉⴷⴷⴻⵏ ⵉ ⵜⵜⴰⵔⵉⵏ ⵖⴻⵣⵣⵎⴻⵏ. ⵉⵍⵓⴳⴰⵏ ⴰⴷ ⴷ‑ⴼⵕⵓⵕⵉⵏ ⵉⵎⴰⵏ‑ⵏⵙⴻⵏ ⴰⵙⵙ ⵎⵉ ⵏⴻⵍⵍⴰ ⵏⴻⵜⵜⴰⵔⵉ ⵉⵇⵍⴰⴱⴻⵏ ⵏ ⵢⵉⴹⵔⵉⵙⴻⵏ ⴷ ⵢⵉⴹⵍⵉⵙⴻⵏ!

ⴱⴰⵏⵓⵃ ⵏⴰⵜ ⵃⴻⵎⵎⵉ ⵏⵓⵃ