Faṭima Tabaɛmṛant -- Bu Rric a lbaz

[Tanazart]

Azul,
Here are the lyrics to one of my favorite songs... Feel free to correct anything if your ears are any better than mine.
Link to the song: http://www.youtube.com/watch?v=32o7J...eature=related

Ad diwn nmun a bu rric a lbazi
Ad diwn xluɣ awida ka xʷlanini,
A nissan manik ig unufl nnuni,
A yak ur tufm wid innan ɛaqleni,
Ini mad trit ad tagʷiɣ awr imil!!
A yaru uhu imam yih ikml awal,
Gigan ayxlu yih i yan-t innan,
Uhuy ibna timizar iṭf akal,
Iɣama ig awal idusen ɣ wawal,
Iwtta, iwtta, iwtta, ɣwi-llin iga ka iɣaman

****
Izd ay-afud asn trmit asawna,
Ar sisn taznt allen atin anninta,
ˍḤasbaɣam iḍṛfan nem a taɣulti,
Acku lliɣ ldiɣ a fellas nɛaqli
Ar grruɣ lhem ass lli tassusni,
Nka d ifrgan ula asif nkkatni,
Aynna ɣen nga afus nfṛḥasni,
Ar gisn sluzzun ifassen s urawni,
Ajmuɛ lli d ur itmaqqaren munni,
Han timzgida nun ra ka xllunti,
Man lfaqih irwn tnt iɛmmeri,
Ur illi cceṛḍ ur asn akkan lmunti,
Imziyeṛn azzawit ura tmusnu,
Han timzgid a ɣen maqqarena,
Ɣ assa wana dar imik-ns luqti,
Ijlu tnt ɣid a sisnt ur iliqni,
Gan midden zund ulli ɣilli ɣ ṛɛinti,
Did aṣllab a yan raysti tinsi,

I ṛebbi a ɣwa lli d yiwi uɣarasi,
A siḥl siḥl ad-iwn sawlɣi,
Mad ak iḍhren azmz-a man tanniti,

Aḥ a yan mmu laḥ aduku ɣ tillasi,
A ɣar ismd-id aḍaṛ u snnani,
Aḥ a yan ɣ illa zrb ira tmaṭlti,

Aniɣ-am helli tṛẓmt allen nnuni,
Tnnit yi gadern ad-iwn tmunaɣi,
I ṛebbi zga tawada nn ɣ wakal,

Allah ɛawn iga-t ṛbbi f ils nnuni,
ab lḥaq waxxa t-id ukan tnniti,
Ma gis igan lɣṛḍ nk a ur nssini,

Is iga lɛadawa d akin yufani
A ɣ iggi uɣaras ad ditun slmni,
Iɣ iga slam nn f ṛebbi llan fellas,

Iɣ iga ṭnẓ a kid ukan yiwini,
Uhuy ur ɣid nḥaḍṛ samḥataɣi,
Aynna s kwn nagug ifulki yaɣi,

Iggura nn kullu wada tnt yufani,
Ay lliɣ sawln midden ifiss ukani,
A macc iɣʷẓan asidi lliɣ sawlni,

A ha nn imḥasn ka d ufa lḥuṛufi,
Taguri nna ffuɣen ha nn ur tmmimi,
A yiri unafal ada sntn ikkisi,

Tingrawn d isan ass lli ɣirna,
Ɣ ass lli d uḍan ur tn tmmaqarta,
I ṛebbi tad y-ixf i yan kʷn yufna,
Han tilila ra gisn tɣrt ara tafti,
Nẓṛa nit aḍu lli ɣ yiwi tarricta,
Inna ugḍiḍ ɣi lli ɣ takuf nssen-tna,
Walaynni ha nn ur a sul urrinta,
Lmatal ad lɛaql a f ak isawli,
Man aku rad urrin iɣ ak ifrtli,
Isawl d lhm kullu lli frɣna,
nmaɣ nn taggʷat ay-lliɣ lkmnti,
Nbsi daɣ izakaren lli yas nsutli,

Ur iyi hulnt tida iyi rxanini,
A tilli ur lkmɣ ad ukan nmmaɣi,
Nra kra igat tizi ad awint imikki,

Allah alhawa ajjig nnem a-t lkmɣi,
Nniɣ akkʷ nekki is yad akkʷ ur tlliti,
Nfṛḥ-am lliɣ ndrk a km afiɣi,

i ṛebbi a lɛaql ma d ukan tiwiti,
a sisn mdiɣ i wida sinɣ iqqelni,
a sisn zrin lɛib iɛemmeṛ atayi,

ha nn lɛaql a s nsiggil iɣ-t ufiɣi,
ad asn fsiɣ iga ka awr ikrfi,
ad ur irgl tili dari tsaruti,

zayd a taguḍi sawl awal nnunti,
ha mn kmmi ka d ittayn awal n ṣṣaḥti,
aḍu yiwi d awal nslla yasna,
ha nn tahayyahut anrar aɣ llanta,
illa ma ka d iffuɣnen ar smuqqulna,
igit ɣ midden ifl nit tawuri nsa,
tayuga y d uḍṛf is urminta,
ur a tnt id ittaɣ ur a kʷn nnunta,
is issen bab nsnt mani walant,
walli mmu tnd ifa ur asnt icwṛa,
ra kʷn tgʷṛaẓ a ya ur iqqn imi nsi,
iɣ tlkm taẓẓit anɣa ra k nɣin-ta,
ha nn Suss iga zzawit ɣ llan isaffena,
lawlyya n ṛebbi llan ɣ inn ur mmutna,
Ɣayli ra d iffuɣ ɣ mkan masna,
ura yagug aɣar ɛwl fellasna,
illa lmdad lli ur usin ifassni,
tadwat ns igat ull, lqlm ilsi,
ha nn igadda d lmakan inu snɣ-ti
aw kan nsigl s ixf-inu rad-t afɣi

Ad diwn xluɣ awida ka xʷlanini,
A nissan manik ig unufl nnuni,
A yak ur tufm wid innan ɛaqleni,

Ini mad trit ad tagʷiɣ awr imil!!
A yaru uhu imam yih ikml awal,
Gigan ay xllu yih i yan-t innan,

Uhuy ibna timizar iṭf akal,
Iɣama ig awal idusen ɣ wawal,
Iwtta, ɣwi-llin iga ka iɣaman

Aduku illan awrz is-ayk immali,
Manik ad gan-t tuggas uɣarasi,
A helli ur itrs ibillu ɣ wakali,

Inna wuzgh i lluz nkki d kiyyini,
A mmu dagh grrun igguna ɣ wasifi,
Ɣik lli myarn ka d ukan salani,

Ur issin caca azmz lli isrwati,
Isd assgrs a rad as ifk ufusi,
Ar ittazzal iɛṛg ar itsutuli,

A sir a lḥenna wida kwn iswanini,
I ra nn iẓṛ lxlf ibbi yawn amani,
Akʷn yaɣ fad a fa-d a nit tḥṛṛuti,

As nna-k yiwi bab nk ilkm suqqi,
Awa nnan srs ibid nn ra kʷn isumi,
Ura saqsan amndu ns is ḥṛṛani,

Ak issrbḥ ṛebbi a wad iṭṭafen ull nsi,
A lliɣ ur tṛḍit a gik iṭṣṣa yani,
A ha nn ur illa cciḍ amr ɣ wawali,


Ad diwn xluɣ awida ka xʷlanini,
A nissan manik ig unufl nnuni,
A yak ur tufm wid innan ɛaqleni.

Chant et Paroles: Faṭima Tabaɛmṛant <3